កត្តាដែលធ្វើអោយបេតុងមាន​​ Strength ខ្ពស់

កត្តាដែលធ្វើអោយបេតុងមាន​​ Strength ខ្ពស់

មានមូលហេតុជាច្រើនដែលអាចបណ្តាលអោយបេតុងមាន Strength ខ្ពស់ល្អៈ

I.សំភារៈសំរាប់លាយបេតុង

1. ការប្រើប្រាស់សំភារៈដែលមានគុណភាពល្អដូចជា ថ្ម, ខ្សាច់ស្អាត (គ្មានលាយល្បាយដី), និង​ទឹកស្អាត (ទឹកដែលអាចផឹកបាន)

2. ការប្រើប្រាស់ប្រភេទស៊ីម៉ង់ត៍តំរូវតាមលក្ខខណ្ឌទីតាំងសំណង់

3. ការប្រើប្រាស់ស៊ីម៉ង់ដែលបានថែរក្សាទុកដាក់នៅទីកន្លែងដែលគោរពតាមបទដ្ឋានត្រឹមត្រូវ (ស៊ីម៉ង់​ដែលបានរក្សាទុកនៅផុតពីដី, ស្អាត, ស្ងួត និងមានខ្យល់អាកាសសមស្រប)

4. ការប្រើប្រាស់ថ្ម ដែលមានភាពរឹងមាំ ដែលអាចជួយអោយធ្វើអោយបេតុងមានភាពរឹងមាំ

5. ការប្រើប្រាស់ថ្ម និងខ្សាច់ដែលគ្មានប្រតិកម្មជាមួយសារធាតុគីមីផ្សេងៗ ដើម្បីកុំអោយ​ស៊ីម៉ង់ត៍មានប្រតិកម្មជាមួយ ដែលជាហេតុធ្វើអោយភាពខាំជាប់របស់ស៊ីម៉ង់ធ្លាក់ចុះ

6. ការប្រើប្រាស់ថ្មដែលស្អាត គ្មានជាប់ជាមួយល្បាយដីផ្សេងៗ

7. ការប្រើប្រាស់ថ្ម និងខ្សាច់ដែលស្ងួតល្អ

8. ការប្រើប្រាស់ ADMIXTURES ជាជំនួយ

9. ការប្រើប្រាស់ថ្ម និងខ្សាច់ដែលមានទំហំ និងរូបរាងត្រឹមត្រូវ

10. ថ្មរាងមូល ធ្វើអោយការងារបេតុងមានភាពងាយស្រួល

11. ថ្មរាងជ្រុងច្រើន ធ្វើអោយការងារបេតុងមានភាពពិបាក ដូចជា ពិបាកផ្ទេរ, ពិបាករំញ័រ​ ប៉ុន្តែអាចធ្វើអោយបេតុងមានភាពរឹងមាំល្អ បើប្រៀបធៀបនឹងថ្មរាងមូល

II. ការលាយបេតុង

1. បេតុងត្រូវលាយអោយបានសព្វល្អ

2. ពេលវេលាលាយបេតុង​ ត្រូវមានរយៈខ្លីបំផុត

3. ការលាយបេតុងត្រូវគោរពតាមបទដ្ឋានបច្ចេកទេស

4.  ការប្រើប្រាស់ ADMIXTURES ដើម្បីអោយការងារបេតុងមានភាពងាយស្រួល (ជៀសវាង​ការថែមទឹក ដែលជាហេតុបណ្តាលអោយ Strength បេតុងចុះខ្សោយ

III. ការដឹកជញ្ជូនបេតុង

1. ការដឹកជញ្ជូនបេតុងត្រូវមានរយៈខ្លីបំផុតដោយគោរពតាមបទដ្ឋានបច្ចេកទេសត្រឹមត្រូវ

2. ជៀសវាងវិយោគកម្ម (segregation) ព្រោះវានឹងធ្វើអោយបេតុងចុះខ្សោយ (យើងអាច​ជៀស​វាងវិយោគកម្ម​បានដោយត្រួតពិនិត្យទៅលើបេតុងថា បេតុងមិនមានលក្ខណៈស្ងួត​ពេក​ ឬ​សើម​ពេក

IV. ការបង្ហាប់បេតុង

1. ការបង្ហាប់បេតុងត្រឹមត្រូវនឹងជួយពង្រឹងភាពរឹងមាំរបស់បេតុង

2. ត្រូវបង្ហាប់បេតុងបន្ទាប់ពីបេតុងត្រូវបានផ្ទេរចូលទៅក្នុងពុម្ពរួចហើយ

3. ការបង្ហាប់បេតុងត្រូវគោរពតាមលក្ខណៈបច្ចេកទេស
V. ការថែរក្សាបេតុង

1.ត្រូវគ្រប់បេតុង (curing) ជាមួយសំភារៈដែលបៀមទឹក ដើម្បីធ្វើអោយបេតុងមានសំណើមជាប់ជានិច្ច​ដែលជាហេតុធ្វើអោយការខាំជាប់គ្នារវាង​ cement paste, ថ្ម និងខ្សាច់កាន់តែរឹងមាំ

2. Curing​ អាចកាត់បន្ថយការប្រេះរបស់បេតុងបានយ៉ាងល្អ ដែលធ្វើអោយបេតុងកាន់តែរឹងមាំ